الجمعة، 12 يوليو، 2013

30 \ 6 \ 2013



الواحد شاف ف الميدان ناس كتير اوووى
شوفت محجبات وشوفت شيوخ وشوفت مسيحيين كتتيير اووى
شوفت أغنيه وشوفت فقره
شوفت الاسر اللى نزل باطفالها الصغيره
شوفت بنات الشباب مامنننها
مشوفتش حالة تحرش واحده

وبرضوا شوفت اللى واخده تخاره - ازازة المايه ب 4 جنيه لييييييييييه ؟ -

وبرضوا شوفت اللى واخده تسول - كان فيه ناس بترقص شعبى وهبل جامد وكان فيه سبعه سته تمانيه بيشربوا كوكو الضعيف  -

وشوفت اللى هموا على البلد بجد والستات الكبيره - "انتوا لازم تباتوا . اقعدوا هنا عشان هو يمشى والله هيمشى .. والله هيمشى" -

شوفت فرحة الناس بالجيش - والتهليل لما طيرات الجيش بتيجى -

شوفت مسلمين هناك والحمد لله وصليت العصر هناك ... سيبكوا من الاشعات
وانزلوا الميادين السلميه

السبت، 8 يونيو، 2013

وصفة النجاح من دكتور سلسبيل الكترونيكس

وصفة النجاح 
-انكو تحضرو كل حاجة ماتفوتوش محاضرة او سكشن او سيشن مراجعة
-اكتبو ملاحظات على قد ما تقدرو ورا الدكتور او المعيد ايا كانت حاجة تافهة او مش فاهمينها
-ذاكرو اول بأول ماتركنوش المادة كلها ليلة الامتحان .. ليلة الامتحان دي اشربو شاي و اقعدو اتف
رجو عالغروب 
- وانتو بتذاكرو افتحو كشكول المحاضرات و كشكول السكشن مع بعض ، ولو فيه كتاب اقراه مرة للعلم بالشئ يمكن تلاقي حاجة مهمة
-لو خلصتو مذاكرة و فيه وقت حلو مسائل على قد ما تقدرو
-حاولو تقاومو النت و الفيس بوك على قد ما تقدرو .. يمكن ماكانش لسه فيه فيس بوك على ايامنا فأنا عارفة ان الموضوع ده صعب عليكو .. خلي القعدة على النت مكافأة نهاية المذاكرة اخر اليوم
- الدعاء ثم الدعاء ادعو ربنا يفتحها عليكو و يهون عليكو كل صعب ان شاء الله
ومش لازم تحسدونا يعني انتو بشوية مجهود صغيرين ممكن تكونو احسن مننا 100 مرة كمان ، انما كل مجتهد نصيب و لكل امرئ ما نوى

الجمعة، 7 يونيو، 2013

explain what is ... &.... (BUG , DEBUGGING , SYNTAX ERROR , LOGIC ERROR , RUN TIME ERROR , CRASH ) ؟؟

فى رد على سوال على الفيس بوك قام الاسطوره محمد سلامه بعمل هذا الكومنت العالمى
وانا حبيت احتفظ بيه زى ماهو .
  • Mohamed Salama Bug: يعني خطأ برمجي.. غلطة مكتوبة في الCode، الواحد عادةً بيبقى مش واخد باله منها. معناها حرفياً حشرة.. تقول الأسطورة إن في قديم الزمان سنة 1947 لما كان الكمبيوتر قد الأوضة، كان في كمبيوتر مشهور اسمه Mark II كان بيعمل عمليات حسابية خاطئة، ولما كشفوا عليه، لقوا فيه حشرة كانت هي المشكلة، بعد كدا أي غلطة في الCode يبقى صعب الواحد يطلعها؛ يبقى اسمها Bug.

    Debugging: معناها البحث عن الBugs.. بس ممكن تستخدم بمعنى إن الواحد يمشي مع الCode خطوة خطوة ويشوف بيعمل إيه.

    Syntax Error: غلطة في الكتابة.. الCompiler مش فاهم الكلام أساساً.. الواحد ينسى يحط Semicolon مثلاً، أو يكتب كلام مش مفهوم. عادةً بيتحط تحتيها خط أحمر.

    Logic Error: غلطة في المنطق.. في التطبيق يعني.. غلطة مش بتطلع Error، بس بتطلع نتايج غلط. مثلاً الواحد يكتب > وكان المفروض تبقى =>.

    Runtime Error: غلطة بتحصل والبرنامج شغال.. في كذا نوع من الRuntime Errors.. مثلاً لو كان في قسمة على 0.. أو Variable بيتم استخدامه من غير ما يتعمله Initialize.

    Crash: البرنامج يقف ويطلع Error لما يلاقي Runtime Error.

الأحد، 2 يونيو، 2013

مظاهرات ضد "أسلمة تركيا "

المفروض مانفرحش احنا المسلمين بما يحدث  فى تركيا
 لان هذه المظاهرات اساسها هى اعتراض الاحزاب المعارضه على ما اسموه " أسلمة تركيا "
لان الحزب الحاكم فى تركيا هو حزب العداله والتنميه وهو حزب اسلامى والحكومه ايضا اسلاميه ورئيسها المسلم رجب طيب اردوغان .
حينما ارادوا ان يمنعوا شرب الخمر ليلا فى تركيا وارادوا ان يحيوا التراث والاماكن التاريخيه العثمانيه احتجوا
لان الدوله العثمانيه هى دوله اسلاميه كانت بمثابة مركز الخلافه الاسلاميه فى اسطنبول .
بعد سقوط الدوله العثمانيه اعلن مصطفى كمال اتاتورك ان تركيا اصبحت دوله علمانيه غير ملزمه بدين وازال سطر ان دين الدوله هو الاسلام من الدستور
ويذكر ايضا ان اردوغان ادخل دراسة القران فى المناهج الدراسيه التركيه .
.
فكل ما يحدث فى تركيا هى محاولة لتشويه صورة هذه الحكومه المحترمه التى نهضت بتركيا ... واصبحت دوله يشار اليها بالبنان
متظاهره تحمل صورة اتاتورك الذى راى ان ازالة شرور تركيا فى التخلص من الاسلام
فياليتهم يتذكرون شكل بلادهم واقتصادهم قبل ان تتولى هذه الحكومه الاسلاميه بلادهم .

السبت، 1 يونيو، 2013

خلقنا .... لتعمير وعباده

لقد خلقنا الله فى هذه الدنيا لعبادته ... -ولعمارة الارض .
لذلك فلبد لكل مننا ان يكون له هدفين :

- هدف دنيوى فى اعمار الارض .
- وهدف للاخره وهو مداومة ذكر الله .


وما اجمل ان يخدم الاول الثانى ^_^

اول معرض ليا فى رساله جامعة عين شمس .

1\5\2013
يوم تحقق فيه شئ كنت ابحث عنه منذ زمن
ان اعمل ف العمل التطوعى
ففى هذا اليوم ذهبت لمعرض الملابس فى قرية ام دينار
حينها ادركت معنى ومفهوم وفوائد العمل التطوعى .
ذهبت لمكان لم يكن فى مخيلتى ان اذهب اليه ابدا .. رايت مستوى معيشى لمصريين لم اراهم الا ع التلفاز ... تعرفت على رفاق واصحاب جدد محبين للخير
معى فى نفس الجامعه ولكن من كليات مختلفه .. لولا رساله ما اتعرفت عليهم
جميل انك تقضى وقت فى عمل الخير
فى القرب من ربنا .. بحب اوى انى اشتغل لله .. اشتغل ف الخير.

مجرد فكره

من ينول جائزة نوبل من المصريين
توضع صورته على العمله الرسميه للبلاد
ويصدر منها عدد محدود بصورته .
وهذا تكريما لمن نالها .. وتشجيعا لمن لم ينل هذا الشرف بعد
مجرد فكره طاقت ف دماغى .

الخميس، 30 مايو، 2013

الامان مع الله


لا اشعر بالراحه الا مع الصلاه .. فهى شى قيم نفعله ف حياتنا
تنيىنا روحانيا .. وتعظم حسناتنا يوم القيامه
فهى احدى مفاتيح دخول الجنه
 
Posted by Picasa

موقف لصلاح الدين الايوبى وهو صغير


عندما كان صــلاح الديــن صغيراً يلعب....

مع الصبية فى الشارع ..شاهده أبوه ..

فأخذه من وسط الأطفال و رفعه عالياً بيديه - وكان أبوه رجلاً طويل القامة - وقال له:

ما تزوجتُ أمك و ما أنجبتُك لكي تلعب مع الصبية !! و لكن تزوجتُ أمك و أنجبتُك لكي تحرر المسجــد الأقصـى !!

و تركه من يده فسقط الطفل على الأرض .. فنظر الأب إلى الطفل فرأى الألم على وجهه فقال له: آلمتك السقطة ؟

قال صلاح الدين: آلمتني !

قال له أبوه: لمَ لم تصرخ ؟

قال له :ما كان لـ محــرر الأقصى أن يصرخ!!

--------------------------------------------------------* تذكروا دائما أن سلوك أطفالكم وأقوالهم ما هى إلا انعكاس لأخلاقكم وتربيتكم لهم .. فاحرصوا أن تزرعوا فيهم كل ما هو عظيم اذا اردتموهم عظماء.
علوم الطاقه والتميه البشريه
بسم الله الرحمن الرحيم 


مهم جدا انك تقرى ف المجال ده .. انا بحب اوى اقراء كتب تنميه بشريه
لانها بتعلم استراتيجيات تفكير... استراتيجيات حياه .. تنظيم حياه .. بتعلمك ازاى تنمى قدراتك البشريه والذهنيه .. ازاى تتواصل مع الناس ..بتساعدك تعيش بهدف ف الحياه ...........................................
يمكن لو كل واحد اهتم بالتنميه البشريه شكل حياة كل واحد فينا هتتغير ..شكل المجتمع هيتغير .. شكل بلدنا كلو كمان هيتغير.
وطالما جبنا سيرة التنميه البشريه .. يبقى لازم نذكر ونطلب الفاتحه والرحمه لرائده ف العالم العربى والعالم اجمع د\ ابراهيم الفقى رحمه الله .
انصحكم بقراءة العديد من كتبه فلقد استفد منه كثيرا .
يمكن كان اول كتاب قرايته للدكتور .. المفاتيح العشره للنجاح .. وقد جذبنى لهذا العالم من التنميه البشريه واصبحت اقراء فيه بغزره ..
يمكن دكتور ابراهيم الفقى اسلوبه شيق جدا وممتع .. يجمع بين الفكاها والبساطه والتدين ..
حتى اننى اعتبره افضل داعيه اسلامى على مستوى العالم .
يمكن وانا صغير كنت كتبت فكره ف ورقه ان لو عايزين ننشرا الاسلام صح ونصحح صورته ف اذهان الناس يبقى لازم ندخل تعاليم الاسلام ف كتب غير دينيه ... كتب الناس كلها ع مستوى العالم بتحب تقراى فيها .. مما يجزيبهم للقراءه ف هذا الدين ومعرفة اكثر واكثر عنه ... ويمكن كمان الاسلام فى ايات القران  مواضيع كتير بيناقشه العلم ده لان الاسلام هدفه تنمية الانسان ايضا روحانيا واخلاقيا ... وهذا ماوجدت دكتور ابراهيم الفقى " رحمه الله يفعله " .

رحمك الله ايها العالم الجليل ...
والسلام عليكم ورحمة الله وبركاته.

كليه حاسبات ومعلومات عين شمس .

بسم الله الرحمن الرحيم .
كل يوم بكتشف انى اخترت افضل كليه عشان ادخلها .
يمكن لما خلصت الثانويه العامه كان قدامى كليات كتير .. وطبعا الواحد كان حيران يدخل ايه ولا ايه .
يمكن كانت استمارة الرغبات بتاعة الثانويه كنت كاتب اول رغبه فنون جميله عماره .. نظرا لحبى الشديد للمعمار وللجمال وللفن
وفى اخر ساعه قبل قفل الرغبات ... حولت رغبتى لكليات الحاسبات
وهذا بعد نصائح عديده ممن يعملون فى هذا المجال.
رغم اللى سمعته .. بس كله مكنش حاجه جنب اللى شوفته ف حاسبات بعينى .
شفت يعنى ايه كليه واحلى حاجه ف كليتنا هى المشاريع كل ترم ومن الترم الاول فى سنه اولى .
يمكن مفيش كليات بتعمل مشاريع بنفس كمية المشاريع بتاعتنا .
بجد كل يوم بحب كليتى اكتر .. وبحمد ربنا ان وفقنى فى كليتى ..

=======================================================================هتابع معاكوا بعدين ليه كلية حاسبات ومعلومات ؟؟ وايه دورها فى نهضة البلاد وتغير شكل العالم .. 
------------------------------والسلام عليكم ورحمة الله وبركاته